हर घर तिरंगा अभियान रा तैत प्रदेश मांय आज ई न्यारा-न्यारा कार्यक्रम राख्या जा रह्या है। मुख्यमंत्री भजन लाल शर्मा जैसलमेर मांय निकाळी ज्यी तिरंगा यात्रा मांय सिरकत कीनी। ईं मौके वे जनता ऊं हर घर तिरंगा अभियान मांय सिरकत कर र देश री आज़ादी सारु जी-जान लगा देवण वाळा बलिदानियां ने याद करण री अपील कीनी। सवाईमाधोपुर मांय राख्यी ज्यी तिरंगा रन अर मैराथन दौड़ ने ज़िला कलेक्टर डॉ. खुशाल यादव अर एस.पी. ममता गुप्ता हरी झंडी बता र रवाना कीनी। अलवर रा ज़िला कलेक्टर आशीष गुप्ता जनता ऊं आप-आप रा घरां माथे तिरंगो झंडो लगावण री अपील कीनी। डूंगरपुर मांय आज जिला प्रशासन, परिवहन विभाग अर पुलिस विभाग री ओर ऊं ट्रेक्टर तिरंगा रैली निकाळी ज्यी, जिण मांय देशभक्ति रा गीतां बीचे जनता ने हर घर माथे तिरंगो झंडो लगावण रो संदेश दियो ज्यो। प्रतापगढ़ ज़िला रा पीपलखूंट मांय गांव वाळा नावं मांय बैठ र हाथ मांय तिरंगा झंडा ले र रैली निकाळी अर देश रा एका रो संदेश दीनो।