राज्य सरकार प्रदेश मांय निवेश करण ने आसान बणावण सारू 21 नुवी नीतियां बणायी है अर जूनी नीतियां मांय बदलाव करी ज्या है। पॉलिसी में संशोधन भी किया गया है। उद्योग अर वाणिज्य मंत्री कर्नल राज्यवर्धन राठौड़ राइजिंग राजस्थान इंवेस्टमेंट समिट रा बारा मांय आज जयपुर मांय खबरनवीसां सागे बातचीत करता थकां आ जाणकारी दीनी। वे कह्यो के राइजिंग राजस्थान इंवेस्टमेंट समिट ऊं पैली परदेशां अर देश रा न्यारा-न्यारा शहरां मांय ई सम्मेलन राख्या जावेला। राठौड़ कह्यो के ’राइजिंग राजस्थान’ ग्लोबल इंवेस्टमेंट समिट 2024 रे ज़रिये प्रदेश मांय निवेश जुटावण सारू सरकार खास जतन कर रही है। वे कह्यो के प्रदेश मांय निवेश मांय बधोतरी ऊं नौजवानां ने फायदो मिलेला। राठौड़ कह्यो के निवेश ने असल मायना मांय हासिल करण सारू सरकार तैयारियां कीनी है अर केई आला अहलकारां ने न्यारा-न्यारा देशां अर राज्यां मांय रहवास करण वाळा निवेशकां सागे तालमेल बिठावण बाबत् प्वाइंट आफ कॉन्टैक्ट रा तौर ऊं लगायी ज्या है। ’राइजिंग राजस्थान’ ग्लोबल इंवेस्टमेंट समिट जयपुर मांय 9, 10 अर 11 दिसम्बर ने करावण रो कार्यक्रम है।