राजस्थान समेत 12 राज्यां मांय मंगलवार ऊं वोटर लिस्टां रा विशेष गहन पुनरीक्षण-एसआईआर रो कार्यक्रम चलायो जावेला। 4 दिसंबर तांई चलाया जावण वाळा एसआईआर रा तैत बूथ लेवल अहलकार-बीएलओ घर-घर जा र सर्वे करेला। मुख्य निर्वाचन अधिकारी नवीन महाजन बतायो के 4 दिसंबर तांई राज्य रा सगळा बीएलओ मतदातावां रा घर पूग र वां ऊं 2 कॉपी मांय गणना प्रपत्र भरावेला। श्री महाजन बतायो के प्रदेश मांय मौजूदा साल री मतदाता सूची रे मुजब वोट देवण रा हकदार लोगां री तादाद 5 करोड़ 48 लाख 84 हजार 827 है। आं मांय 2 करोड़ 84 लाख पुरूष, 2 करोड़ 65 लाख महिलावां अर 681 दूजा मतदाता है। एसआईआर कार्यक्रम सारू सोमवार ऊँ बालोतरा ज़िला रा पचपदरा विधानसभा हलका मांय बूथ लेवल अहलकार-बीएलओ अर सुपरवाइजर ने सिखावण देवण रो कार्यक्रम राख्यी ज्यो। बीएलओ घर-घर जा र गणना प्रपत्र बांटेला, ज्यां मांय वोट देवण वाळा ने रंगीन फोटो लगा र जरूरी जानकारी देवणी व्हेला।