राजस्थान री मेज़बानी मांय सोमवार ऊं खेलो इंडिया यूनिवर्सिटी गेम्स री पांचवीं कड़ी सरू व्हे री है। के.आई.यू.जी. 2025 री ओपनिंग सेरेमनी काले सिज्यां जयपुर रा सवाईमानसिंह स्टेडियम मांय व्हेला। वठे ई ईं खेल कुंभ मांय सगळा संभागीय मुख्यालयां माथे मुकाबला व्हेला। 12 दिन चालण वाळा ई आयोजन मांय देशभर रा 200 विश्वविद्यालयां रा खिलाड़ी प्रतिभागी बणेला। वठे ई पहली बार इण मांय चार नुवा खेला बीच वॉलीबॉल, कैनोइंग, कयाकिंग अर साइकलिंग ने ई भेळा करी ज्या है। युवा मामला अर खेल मंत्री राज्यवर्धन राठौड़ कयो के पधारो म्हारे राजस्थान जीतो सारा हिंदुस्तान टैग लाइन रे साथे व्हे रिया आ रोमांचक आयोजन सारू देशभर ऊं खिलाड़ी पूग रिया है। वणा कयो के ओ राष्ट्रीय खेल आयोजन कौशल प्रदर्शन रे साथे एक भारत-श्रेष्ठ भारत री भावना ने मजबूत करेला।