प्रदेश रा 62 हजार आंगनबाड़ी केन्द्रां मांय आवण वाळा करीब 36 लाख बच्चां ने सप्ताह मांय 3 दिन दूध मुहैया करायो जावेला। उपमुख्यमंत्री दिया कुमारी बुधवार ने जयपुर मांय महिला अर बाल विकास विभाग रा अहलकारा सागे मीटिंग मांय ईं सारू ज़रूरी प्रक्रिया बेगी पूरी करण रा हुकम दीना। ध्यानजोग है के चालू माली साल रा पूरा बजट रा बिन्दु संख्या 88 मांय आंगनबाड़ी केन्द्रां माथे बच्चां ने उचित पौष्टिक आहार रा तौर ऊं सप्ताह मांय तीन दिन दूध मुहैया करायो जावणो है। ईं सारू मिल्क पावडर री खरीदी माथे हर साल करीब 200 करोड़ रूप्या खर्च कर्या जावेला।