राजस्थान राष्ट्रीय पोषण माह रा तैत बेहतर काम सारू देश मांय दूजी ठौड़ माथे रह्यो है। उपमुख्यमंत्री अैर महिला अर बाल विकास मंत्री दिया कुमारी ईं सारू महकमा रा अहलकारां अर कर्मचारियां ने बधाई दीनी है। महकमा रा शासन सचिव महेंद्र सोनी बतायो के प्रदेश 81 लाख रा लक्ष्य रे मुकाबले 88 लाख ऊं बत्ती उपलब्धियाँ हासिल कीनी। राजस्थान लक्ष्य ऊं 14 फीसदी बत्ती सफलता हासिल कीनी। गुजरात 115 दशमलव 74 फीसदी कामयाबी सागे अव्वल रह्यो। राष्ट्रीय पोषण माह रा तैत ’वोकल फॉर लोकल’, मोटापा ने कम करण अर शक्कर-तेल कम काम लेवण सरीखा मुद्दां माथे खास ध्यान दियो ज्यो। इण ऊं पैली राजस्थान, राष्ट्रीय पोषण पखवाड़ा अर प्रधानमंत्री मातृ वंदना योजना रा तैत शानदार काम सारू देश मांय अव्वल रह्यो हो।