राज्यपाल हरिभाऊ किसनराव बागडे पिछाडी अर आदिवासी हलकां मांय स्वास्थ्य सेवावां ने और मजबूत बणावण माथे ज़ोर दीनो है। वे आज जयपुर रा राजभवन मांय चिकित्सा अर स्वास्थ्य विभाग री समीक्षा बैठक मांय बोल रह्या हा। राज्यपाल कह्यो के पिछाडी अर आदिवासी हलकां मांय रीता ओहदा ने भरण माथे खास ध्यान दियो जावणो चाहिजे ताकि वठे री जनता ने स्वास्थ्य रा चोखा सुबीता मिल सके। वे डॉक्टरां ऊं गांवां अर तहसीलां मांय जरूर पूगण अर सेवा भाव सागे काम करण री अपील कीनी। मीटिंग मांय चिकित्सा अर स्वास्थ्य मंत्री गजेन्द्र सिंह खींवसर कह्यो के केंद्र अर राज्य सरकार री योजनावां असरदार तरीका ऊं लागू करण सागे हर एक जणा ने बेहतरीन स्वास्थ्य सुबीता मुहैया करावण री कोशिश करी जा रही है।