बांग्लादेश मांय हिन्दू धर्म मानबा वाळां रे खिलाफ़ लारला दिनां व्ह्या हमलां अर अत्याचार रे खिलाफ़ आज झालावाड़ मांय राधारमण परिसर ऊं मोटी तादाद मांय लोग आक्रोश रैली निकाळी। हिंदू संगठनां रा कार्यकर्ता हनुमान चालीसा रो पाठ कीनो अर बंग्लादेश मांय हिंदुआं री हिफ़ाज़त तैय करण री मांग मांग करता थकां राष्ट्रपति रे नाम ज़िला कलेक्टर ने पानड़ी सूंपी। जोधपुर ग्रामीण ज़िला रा पीपाड़ मांय ई सर्व समाज री ओर ऊं मौन जुलूस निकाळ र प्रधानमंत्री रे नाम पानड़ी सूंप्यी ज्यी। जालौर मांय ई न्यारा-न्यारा संगठनां री ओर ऊं बंद राख र मौन जुलूस निकाळी ज्यो अर जिला कलेक्टर ने राष्ट्रपति रे नाम पानड़ी सूंपी ज्यी।