राजस्थान पुलिस अकादमी जयपुर मांय शुक्रवार ने राज्य पुलिस सेवा-आर.पी.एस. रा 55वां बैच रो दीक्षांत समारोह राख्यी ज्यो। मुख्यमंत्री भजनलाल शर्मा दीक्षांत परेड री सलामी लीनी। ईं मौके वे कह्यो के प्रदेश मांय अपराधां माथे काबू करण अर शांति व्यवस्था बणायी राखण माथे सरकार रो खास ध्यान है। वे आरपीए मांय सिखावण देवण रो नुवो भवन बणावण रो ऐलाण ई कीनो, जिण मांय साइबर अर आर्थिक अपराधां माथे काबू करण सारू बेहतर सिखावण अर तकनीकी साधन मुहैया कराया जावेला। मुख्यमंत्री कह्यो के महिलावां ने मज़बूत बणावण माथे सरकार रो खास ध्यान है।