राजस्थान कर्मचारी चयन बोर्ड री बरस 2018 री तीन भर्ती परीक्षावां मांय धांधली रे मामला मांय एसओजी कार्रवाई करी। अतिरिक्त महानिदेशक विशाल बंसल आज जयपुर मांय बतायो कि सुपरवाइजर, प्रयोगशाला सहायक अर कृषि पर्यवेक्षक भर्ती मांय ओएमआर शीट रे डाटा सूं छेड़छाड़ रा आरोप मांय बोर्ड रा तकनीकी प्रमुख संजय माथुर समेत पांच लोगां ने गिरफ्तार करयो गयो है। श्री बंसल बतायो कि अबे तांई री जांच मांय पतो चाल्यो है कि कंप्यूटर सिस्टम मांय वास्तविक डेटा बदल र अभ्यर्थियां रा अंक बधाया गया हा। एक मामला मांय अभ्यर्थी रा 63 अंकां ने बधार 182 अंक दर्शाया गया। ए.डी.जी. बंसल बतायो कि चयन बोर्ड कानी सूं ओएमआर शीट री दुबारा जांच करावण सारू इण मामला रो खुलासो व्हीयो हो।