राजस्थान कर्मचारी चयन बोर्ड री ओर ऊँ शुक्रवार ऊँ 21 सितंबर तांई चतुर्थ श्रेणी कर्मचारी भर्ती परीक्षा ली जावेला। 53 हजार 749 ओहदां माथे भर्ती सारू व्हे रही ईं भर्ती परीक्षा मांय बैठण सारू करीब पौने पच्चीस लाख उम्मीदवार अर्जियां दीनी है। बोर्ड रा सचिव बी.सी. बधाल बतायो के उम्मीदवारां री मोटी तादाद ने ध्यान राखता थकां आ परीक्षा तीन दिन तांई रोजीना दो पारियां मांय संवारे दस ऊँ दोपहर बारह बज्या तांई अर दोपहरां पाछे तीन ऊँ सिंज्यां पांच बज्यां तांई ली जावेला। प्रदेश रा 38 ज़िलां मांय ईं सारू 1200 परीक्षा केन्द्र बणायी ज्या है। परीक्षा सारू रेलवे रा जोधपुर मण्डल री ओर ऊँ बाड़मेर-जोधपुर अर जोधपुर कने भगत की कोठी ऊँ जयपुर कने खातीपुरा बीचे खास रेलगाड़ियां चलायी जा रही है। उत्तर पश्चिम रेवले 14 जोड़ी खास रेलगाड़ियां चलावण रो ऐलाण कीनो है।