राईजिंग राजस्थान इनवेस्टर्स समीट मांय निवेशकां ने न्योतो देवण खातिर मुख्यमंत्री भजन लाल शर्मा आज दक्षिण कोरिया अर जापान री यात्रा खातिर रवाना व्ह्या। प्रदेश मांय औधोगिक निवेश बधाणे अर उद्योगां ने नुवी गति देणे रे लगस सूं दिसंबर मांय होवण वाळी इण अन्तर्राष्ट्रीय इनवेस्टर्स मीट सूं पेलां 09 सूं 14 सितंबर तांई आं दोन्यू देशां मांय प्री-इनवेस्टर्स मीट राख्यी जावेली। मुख्यमंत्री रा नेतृत्व मांय राज्य सरकार रो प्रतिनिधि मण्डल आं दोन्यू देशां रा उद्यमियां ने राजस्थान मांय निवेश खातिर आमंत्रित करेला अर राज्य सरकार री निवेश सहुलियतां अर योजनावां ने उद्यमियां सूं साझा करेला। मुख्यमंत्री ने जयपुर एयरपोर्ट माथे रवाना होणे सूं पेलां राज्य सरकार रा मंत्री, मुख्य सचिव अर आला अधिकारी शुभकामनावां दी।