राइजिंग राजस्थान रे तैत आज जयपुर मांय नगरीय विकास महकमा री प्री इंवेस्टमेंट समिट व्ही। नगरीय विकास मंत्री झाबर सिंह खर्रा री सदारत मांय व्ही ई समिट मांय निवेशकां रे साथे राज्य सरकार 45 हजार करोड़ रुप्या ऊं बत्ती रा निवेश करारां माथे दस्तख्त कर्या। ईं मौके नगरीय विकास अर आवासन मेहकमां रा प्रमुख शासन सचिव वैभव गालरिया कह्यो के राइजिंग राजस्थान, समावेशी अर सतत आर्थिक अर सामाजिक विकास अर लोगां रा कल्याण सारू निजू हल्का री भागीदारी री दिशा मांय राज्य रो मिशन है। वणा कह्यो के आज व्ह्या एम.ओे.यू. ऊं शहरी हलका मांय विकास रा नुवा आयाम थापित व्हेला। कार्यक्रम मांय प्रमुख सचिव सुधांश पंत, स्वायत्त शासन विभाग मेहकमां रा प्रमुख सचिव डॉ. राजेश कुमार यादव अर संबंधित विभागां रा आला अहलकार मौजूद रह्या।