प्रदेश मांय दिसम्बर महीना मांय व्हेवण वाळा ’राइजिंग राजस्थान’ ग्लोबल इन्वेस्टमेंट सम्मेलन रे मार्फत बत्ता ऊं बत्ता निवेशकां ने राजस्थान मांय निवेश करण सारू बुलावण रा मकसद ऊं मुख्यमंत्री भजनलाल शर्मा आज मुंबई मांय रोड शो कीनो। ईं पाछे खबरनवीसां सागे बातचीत करता थकां वे कह्यो के राज्य मांय निवेश ने बधावो देवण सारू सरकार हर संभव कोशिश कर रही है। मुख्यमंत्री कह्यो के राजस्थान सरकार ऊर्जा, निर्माण, आईटी, सीमेंट, अर पर्यटन सरीखा न्यारा-न्यारा हलकां मांय साढे चार लाख करोड़ रुप्या ऊं बत्ता निवेश री योजना बणायी है। मुख्यमंत्री निवेशकां अर कॉर्पोरेट जगत री हस्तियां ने 9 ऊं 11 दिसंबर बीचे जयपुर मांय राख्या जावण वाळा ’राइजिंग राजस्थान’ ग्लोबल इन्वेस्टमेंट सम्मेलन मांय सिरकत करण रो न्योतो दीनो।