रणथम्भौर बाघ अभ्यारण्य हलका मांय लारला एक-दो साल मांय लापता व्ह्या बाघां रा मामला मांय वन विभाग तीन सदस्यां री जांच समिति बणायी है। वन विभाग रा मुख्य वन्य जीव संरक्षक पवन कुमार उपाध्याय ईं बारा मांय हुकम जारी कर दीना है। अतिरिक्त प्रधान मुख्य वन संरक्षक- वन्यजीव राजेश कुमार गोयल, जयपुर रा वन संरक्षक टी. मोहनराज अर भरतपुर रा उप वन संरक्षक मानस सिंह जांच समिति रा सदस्य बणाई ज्या है।
समिति दो महीना मांय रपट पेश करेला। हुकम रे मुजब समिति बाघां रे लापता व्ह्यां पाछे वां री खोजबीन री कोशिशां री जांच करेला अर जरूरी सुझाव देवेला।