रक्षा मंत्री राजनाथ सिंह जैसलमेर रा दौरा रा तैत शुक्रवार ने फौज रा कमान्डरां रा सम्मेलन री सदारत कीनी। वे चीफ ऑफ डिफेंस स्टाफ जनरल अनिल चौहान सागे फौज रा आला अहलकारां ऊँ देश री हिफ़ाज़त ऊँ जुड़्या हालात अर फौजी तैयारियां रा बारा मांय चर्चा कीनी। सम्मेलन रे दौरान रक्षा मंत्री नमन केंद्र, सैनिक यात्री मित्र ऐप, अर उपकरण हेल्पलाइन ऐप री सरूआत कीनी। ईं सम्मेलन मांय देश री सरहद रा मौजूदा हालात, फौजी हलका मांय व्हे रह्या तकनीकी बदलाव अर आवता बगत मांय देश रा फौजी बूता ने मज़बूत बणावण रा बारा मांय चर्चा करी जा रही है। इण ऊँ पैली रक्षा मंत्री जैसलमेर रा तनोट माता मिंदर मांय पूजा-अर्चना कीनी। वे साल 1965 मांय पाकिस्तान रे खिलाफ़ व्ही लडाई रे दौरान मंदिर रा आंगणा मांय पड़्या पण नी फाट सक्या बम ई देख्या।