रक्षा मंत्री राजनाथ सिंह कह्यो है के देश वायु सेना अर रक्षा हलका मांय तेज़ी ऊं खुद रे पाण ऊबो व्हे रह्यो है। वे गुरूवार ने जोधपुर मांय वायुसेना रा ’तरंग शक्ति’ युद्धाभ्यास रे दौरान राख्यी ज्या हवाई करतब रा कार्यक्रम पाछे बोल रह्या हा। रक्षा मंत्री कह्यो के लाइट कॉम्बेट एयरक्राफ्ट ऊं ले र भांत-भांत री तकनीक अर साज़-ओ-सामान अब देश मांय ही बणाया जा रह्या है। राजनाथ सिंह कह्यो के भारत रक्षा हलका मांय न केवल खुद रे पाण ऊंबो व्हे रह्यो है बल्कि करीब 90 देशां ने हिफ़ाज़त ऊं जुड़्या साज-ओ-सामान मुहैया करा रह्यो है। वे कह्यो के ऐड़ा युद्ध अभ्यास मित्र देशां बीचे आपसी मदद अर तालमेल ने बधावो देवे है अर ओ भरोसो ई व्हे है के ज़रुरी व्हेवण परां वे एक-दूजा सागे ऊबा व्हेला। रक्षा मंत्री कह्यो के सीखता रेहवण री प्रवृत्ति ऊं मानव सभ्यता रो ई विकास व्हे है। ऐड़ा हालात मांय मददगार देशां ऊं सीख लेवणो घणो ज़रूरी है। वे कह्यो के रक्षा हलका मांय तकनीक घणी तेज़ी ऊं बदल रही है, ईं कारण मिलजुल र सीखणो वक्त री मांग है। रक्षा मंत्री री मौजूदगी मांय राख्यी ज्या एयर शो मांय वायु सेना रा जहाज़ वां रा बूता अर ताकत रो दरसाव कीनो।