मौसम विभाग आवता दो दिन मांय जयपुर, जोधपुर, बीकानेर अर उदयपुर संभाग मांय ज़ोरदार बारिश व्हेवण रा आसार जताया है। महकमो ईं दौरान तीस ऊं चालीस किलोमीटर प्रति घंटा रा ज़ोर ऊं बायरो बाजण री संभावना जताई है। मौसम महकमो किसानां ने बारिश अर आंधी री शंका ने ध्यान राखता थकां साखां अर ढांढा री हिफाजत सारू जरूरी सावधानी राखण बाबत कह्यो है। ईं बीचे थावर ने ईं प्रदेश रा केई हककां मांय बिरखा रा समाचार है। सिरोही, राजसमंद, उदयपुर अर नागौर जिलां मांय केई ठोड़ां ज़ोरदार बायरो बाजण सागे भारी बिरखा व्ही। सब ऊं बत्ती करीब 11 सेंटीमीटर बारिश सिरोही ज़िला रा पिंडवाड़ा मांय दर्ज करीजी।