प्रदेश मांय घणखर ठौड़ां पारो औसत ऊं बत्तो व्हेवण रे कारण फिलहाल ठण्ड रो घणो असर महसूस नी व्हे रह्यो है, हालांकि आज राज्य मांय 14 ठौड़ां न्यूनतम तापमान 15 डिग्री सेल्सियस या इण ऊं कम दर्ज करी ज्यो। ओ तापमान आं दिनां रेहवण वाळा सामान्य तापमान ऊं बत्तो है। लारला 24 घंटा मांय सब ऊं कम 12 डिग्री सेल्सियस तापमान सिरोही मांय दर्ज करी ज्यो। राजधानी जयपुर मांय रात री बगत पारो उतर र 17 दशमलव 8 डिग्री सेल्सियस दर्ज करी ज्यो, हालांकि ओ ई सामान्य ऊं करीब 3 डिग्री सेल्सियस ऊंचो है। मौसम केन्द्र जयपुर रा निदेशक राधेश्याम शर्मा आकाशवाणी ने बतायो के 2-3 दिन पाछे ठंड रो असर बधबा अर प्रदेश रा उत्तराद हलकां मांय घणो कोहरो रेहवण रा आसार है।