मौसम महकमो पूर्वी राजस्थान रा घणखर हिस्सां मांय आगले दो सप्ताह तांई वठिने पश्चिमी राजस्थान री घणखर ठौड़ां मांय आगले एक सप्ताह बरसात रो दौर जारी रहणे रे साथै ही औसत सूं बत्ती बरसात री आस जतायी है। शुक्रवार ने अजमेर मांय सुवांरे सूं ही काली घटावां छा गी दोपहरा मांय घणी जोर की बिरखा व्ही। राजसमंद अलवर अर पाली मांय थोड़ी देर बरसात व्ही। वठिने जैसलमेर मांय बादळा री आवाजावी बणी रीए लारला एक सप्ताह सूं लोग अठे बिरखा रो बेसबरी से इंतजार कर रिया है। इण बीचे प्रदेश मांय बित्यां चौबीस घंटां मांय कठेई.कठेई हल्की अर कठेई.कठेई भारी बिरखा दरज करीजी। सब सूं बत्ती 10 सेंटीमीटर बरसात जयपुर रा चाकसू मांय व्ही। वठिने धौलपुर रा बाड़ी.बसेड़ी मांय जम र पाणी बरस्यो। झुन्झुनूए दौसाए सवाईमाधोपुरए भरतपुरए टोंकए अलवरए चूरूए नागौर सूं भी चौखी बिरखा रा समचार है।