मुख्यमंत्री भजनलाल शर्मा री अगुवाई वाळी मौजूदा राज्य सरकार रे कामकाज ने सोमवार ने दो बरस पूरा व्हे रिया है। इण उपलक्ष मांय प्रदेशभर मांय नव उत्थान-नई पहचान, बढ़ता राजस्थान-हमारा राजस्थान, थीम माथे कार्यक्रम राख्या जा रिया है। इणी कड़ी मांय सरकार री उपलब्धियां अर नीतियां विकास रथां रे माध्यम सूं जनता तांई पहुंचाई जा री है। कार्यक्रमां री श्रृखंला मांय काले प्रदेशभर मांय आरोग्य शिविर राख्या जावेला। ऐ शिविर सगळा जिला, उपजिला, सैटेलाईट अर दूजा स्वास्थ्य केन्द्रां माथे लगाया जावेला।