मुख्यमंत्री भजन लाल शर्मा री सदारत मांय ’राजस्थान इकोनॉमिक रिवाइवल टास्क फोर्स’ बणायी ज्यी है। राज्य सरकार कानी ऊं ई बारा मांय हुकम काड़ दीरीज्या है। उप मुख्यमंत्री दीया कुमारी ई टास्क फोर्स री उपाध्यक्ष व्हेला। जद के उप मुख्यमंत्री प्रेमचन्द्र बैरवा रे अलावा उद्योग, ऊर्जा अर कृषि मंत्री अर मुख्य सचिव समेत दूजा अहलकार इण रा सदस्य बणायी ज्या है। प्रशासनिक सुधार मेहकमां रा उप सचिव अशोक कुमार शर्मा बतायो के टास्क फोर्स मांय 5 विषय विशेषज्ञां ने सदस्य रा रूप मांय नामित कर्या जा सकेला। बणा बतायो के टास्क फोर्स कानी ऊं खास आर्थिक हलका री पिछाण, नीति निर्माण अर कार्यान्वयन, कौशल विकास अर शिक्षा, बुनियादी ढांचां रो विकास अर रोजगार समेत दूजा मुद्दा रा बारा मांय सिफारिश करी जायेला।