मुख्यमंत्री भजन लाल शर्मा कह्यो है के हाथ री कारीगरी ऊँ बणायी ज्या सामान समाज मांय बदलाव रो मोटो ज़रियो है। वे शुक्रवार ने जोधपुर मांय चाल रह्या पश्चिमी राजस्थान हस्तशिल्प उत्सव मांय बोल रह्या हा। श्री शर्मा कह्यो के हाथ री कारीगरी ऊँ सामान बणा र महिलावां सामाजिक अर माली तौर ऊँ खुद रे पाण ऊबी व्ही है। मुख्यमंत्री कह्यो के राज्य सरकार हाथ री कारीगरी ऊँ सामान बणावण वाळां ने बधावो देवण सारू लगातार काम कर रही है। लघु उद्योग भारती कानी ऊँ काल सरू करी ज्या 10 दिन रा ईं मेळा मांय उद्योग, हस्तशिल्प अर पंच गौरव उत्पाद री 800 ऊँ बत्ती स्टॉल्स लगायी ज्यी है। ईं सागे ई फौजी हथियारां री प्रदर्शनी ई लगायी ज्यी है। मेळा मांय आवण वाळां रो ऑपरेशन सिन्दूर री थीम माथे बणायी ज्या डोम मांय ब्रहमोस अर एस-400 री नकलां माथे खास ध्यान है। चित्तौडगढ़ मांय चाल रह्या राष्ट्रीय स्वदेशी मेळा मांय ई मोटी तादाद मांय लोग देशी सामान री खरीदी कर रह्या है। नगरीय विकास अर आवासन मंत्री झाबर सिंह खर्रा शुक्रवार ने ईं रो दौरो कीनो। वे देशी सामान ने बधावो देवण सारू करी जा रही कोशिशां री सराहवणा कीनी।