मुख्यमंत्री भजनलाल शर्मा कह्यो है के नुवी राष्ट्रीय शिक्षा नीति विद्यार्थियां रा बौद्धिक अर नैतिक विकास सागे वां ने होशियार बणावेला। वे आज बांसवाड़ा मांय राजस्थान शिक्षक संघ (राष्ट्रीय) रा प्रदेश शैक्षिक सम्मेलन मांय बोल रह्या हा। वे भणाई-लिखाई ने समाज मांय बदलाव अर देश बणावण री बुनियाद बताता थकां अध्यापकां ने विकसित राजस्थान बणावण री ज़िम्मेदारी सूंपण री बात कही। मुख्यमंत्री कह्यो के राज्य मांय लारला दो साल मांय 71 नुवा कॉलेज, 8 हजार स्मार्ट क्लासरूम अर किसानां रा बच्चां री कॉलेज फीस माफ करण सरीखा खास काम करी ज्या है। वे बतायो के 41 लाख ऊं बत्ता विद्यार्थियां रा बैंक खातां मांय स्कूल ड्रेस अर बस्ता सारू मदद री रकम सीधी भेजी ज्यी। श्री शर्मा कह्यो के मौजूदा सरकार हाल तांई 92 हजार नौजवानां ने नौकरियां दे दीनी है अर भर्ती रा काम मांय साफगोई तैय करी जा रही है।