मुख्यमंत्री भजन लाल शर्मा प्रवासी राजस्थानियां ने राज्य रा निवेश सारू चोखा माहौल रो फायदो उठाता थकां बत्तो ऊं बत्तो निवेश करण री अपील कीनी है। श्री शर्मा गुरूवार ने वां रा रेहवास माथे महाराष्ट्र ऊं आया ‘राजस्थान प्रकोष्ठ’ रा नुमाइंदां सागे मुलाकात रे दौरान बोल रह्या हा। ईं दौरान राजस्थान अर महाराष्ट्र बीचे सामाजिक अर माली लेन-देन कार्यक्रम रा बारा मांय चर्चा करीजी। मुख्यमंत्री कह्यो के राजस्थान मांय सूरज री रोशनी ऊं बणबा वाळी बिजली, खनिज संपदा अर जरूरी तादाद मांय बिजली-पानी मौजूद है। श्री शर्मा निवेशकां ने राज्य सरकार कानी ऊं हर संभव मदद रो भरोसो दिरायो। वे प्रतिनिधिमंडल ने 10 दिसंबर ने व्हेवण वाळा ‘प्रवासी राजस्थानी दिवस’ कार्यक्रम मांय शामिल व्हेवण सारू ई न्यौतो दीनो।