मुख्यमंत्री भजन लाल शर्मा कह्यो के राज्य सरकार प्रदेश ने साढे 300 बिलियन डॉलर री अर्थव्यवस्था बणावण सारू केई पहल कर री है। ई सारू शिक्षा, कृषि अर उद्योग हलका मांय आधुनिक तकनीक ने काम मांय लेवता केई बदलाव लाया जावे। श्री शर्मा शुक्रवार ने मुख्यमंत्री निवास माथे खेती हलका मांय सुधार, नौजवानां ने रोजगार देवण जोग सिखावण अर मल्टीमॉर्डल लॉजिस्टिक्स पार्क विकसित करण रा बारा मांय व्ही मीटिंग मांय बोल रिया हा। मुख्यमंत्री कह्यो के खेती मांय एआई ने बधावो देवण ऊं ई हलका री चुनौतियां ने दूर करी जा सके है। मुख्यमंत्री नौजवानां ने फ्यूचर रेडी-इण्डस्ट्री रेडी बणावण सारू हुनस सिखावण माथे ज़ोर दियो। वणा अहलकारां ने विष्व थर रा रूजगार देवण जोग सिखावण सारू सगळा जरूरी कदम उठावण रा निर्देष दिया। श्री शर्मा कह्यो के राज्य मांय निवेश मुजब औद्योगिक वातावरण तियार करण सारू असरदार कदम उठाया जावे। औद्योगिक हलका मांय लॉजिस्टिक्स लागत मांय कमी लावण अर कनेक्टिविटी ने बधावो देवण सारू राजस्थान लॉजिस्टिक पॉलिसी 2025 लागू करी ज्यी है।