मुख्यमंत्री भजन लाल शर्मा राज्य मांय रामजल सेतु लिंक परियोजना रा काम ने तेज़ करण सारू वन विभाग ने ज़मीं आवंटन री मंजूरी दे दीनी है। इं सारू बारां अर अलवर ज़िलां मांय एक हजार 102 हैक्टेयर ऊं बत्ती ज़मीं आवंटित करण री मंजूरी दीरीजी है। मुख्यमंत्री ईआरसीपी रा तहत बणाया जा रह्या रामगढ़ अर महलपुर बैराज अर नवनेरा-गलवा-बीसलपुर-ईसरदा लिंक परियोजना मांय बैराज बणावण रा असर वाळी जंगलात हलका री ज़मीं सारू भूमि आवंटन रा प्रस्तावां ने ई मंजूरी दे दीनी। ईं फैसला रे मुजब बारां ज़िला रा किशनगंज, छबड़ा, छीपाबड़ौद अर अलवर ज़िला मांय गैर वन भूमि वन विभाग ने मुफ़्त दी जा रही है।