मुख्यमंत्री भजन लाल शर्मा थावर ने बीकानेर मांय प्रधानमंत्री नरेन्द्र मोदी रा 22 मई ने प्रस्तावित दौरा री तैयारियां रो जायजो लीनो। ईं दौरान वां सागे केन्द्रीय मंत्री अर्जुनराम मेघवाल अर जिला रा प्रभारी मंत्री गजेन्द्र सिंह खींवसर ई मौजूद हा। श्री शर्मा भाजपा रा कार्यकर्तावां ने प्रधानमंत्री री सभा सारू ज़रूरी तैयारियां टेम सर पूरी करण बाबत् कह्यो। मुख्यमंत्री देशनोक रा करणी माता मिन्दर मांय दर्शन कीना, ज्यीं पाछे वे तिरंगा यात्रा मांय सिरकत कीनी। जैसलमेर रा रामदेवरा मांय ई आज तिरंगा यात्रा निकाळी ज्यी। पाली मांय फौज रा मान मांय काल तिरंगा यात्रा निकाळी जावेला।