मुख्यमंत्री भजनलाल शर्मा कह्यो है के राज्य मांय घुसपैठियां सारू कोई ठौड़ नी है। वे कह्यो के प्रधानमंत्री नरेन्द्र मोदी हाई पॉवर्ड डेमोग्राफी मिशन बणावण अर गृहमंत्री अमित शाह घुसपैठियां ने चुण-चुण र बाहर निकाळबा रो ऐलाण कीनो है। वे सोमवार ने जयपुर मांय विद्यार्थियां रा संगठन अखिल भारतीय विद्यार्थी परिषद् रा 61वां प्रांत अधिवेशन रा उद्घाटन जळसा मांय बोल रह्या हा। वे ईं संगठन ने देश रा भला सारु समर्पित बतायो। वे नौजवानां ऊँ ’राष्ट्र प्रथम’ री भावना सागे काम करण बाबत् कह्यो । श्री शर्मा वां रा राज रा दो साल री उपलब्धियां रो जिकर करता थकां कह्यो के आं दो साल मांय 4 लाख सरकारी नौकरियां देवण री सोच सागे नौजवानां ने नौकरियां दी जा रही है। वे नौजवानां ऊँ नौकरी लेवण वाळा बणबा री बजाय नौकरी देवण वाळा बणबा सारू कह्यो।