मुख्यमंत्री भजनलाल शर्मा कह्यो है के अरावली री डूंगरियां प्रदेश री अनमोल कुदरती धरोहर है अर राज्य सरकार इण ने बचावणो तैय कीनो है। वे आज जयपुर मांय वन अर खनन विभाग रा अहलकारां सागे समीक्षा बैठक मांय बोल रह्या हा। अरावली पर्वतमाला ऊं जुड़्या सुप्रीम कोर्ट रा फैसला पाछे प्रदेश मांय कर्या जा रह्या विरोध प्रदर्शन बीचे मुख्यमंत्री आ खास मीटिंग लीनी। ईं मौके मुख्यमंत्री अहलकारां ने अरावली हलका मांय पौधा रोपण रा हुकम दीना। ईं बीचे अरावली रा बारा मांय उच्चतम न्यायालय रा फैसला ने ध्यान राखता थकां प्रदेश मांय आज ई केई ठौड़ां प्रदर्शन करी ज्या। दौसा मांय अरावली बचाओ विरोध प्रदर्शन रे दौरान झगड़ो व्हे ग्यो। अलवर मांय ईं मामला मांय रैलियां निकाळी ज्यी। सीकर, धौलपुर, अजमेर, झुन्झुनू अर नागौर मांय ई ईं ईं फैसला रे खिलाफ प्रदर्शन रा समाचार है।