मुख्यमंत्री भजनलाल शर्मा कह्यो के की वां री सरकार नौजवानां ने रोजगार ऊँ जोड़ण सारू दृढ़ संकल्प लियो है अर ई हलकां मांय डबल इंजन सरकार कानी ऊँ बरोबर कोशिश करी जावे। मुख्यमंत्री गुरूवार ने जयपुर रा कॉमर्स कॉलेज मांय व्ह्या राज्य थर रा रूजगार महोत्सव मांय बोल रह्या हा। ई मौके वणा कह्यो के लारला दो सालां रे दौरान नौजवानां रा विकास रा बारा मांय फैसला अर योजनावां रे चालता सरकारी हलकां रे साथे निजू हलका मांय ई दो लाख ऊँ बत्ती रूजगार मिल्या है। ई मौके मुख्यमंत्री न्यारी-न्यारी कंपनियां मांय चुणी ज्या नौजवानां ने नियुक्ति पाना शुभकामनावां दी। वणा कार्यक्रम थळा माथे लगायी ज्यी कंपनियां री स्टॉलां ने देख्या। कार्यक्रम मांय उपमुख्यमंत्री दीया कुमारी अर विधायक राज्यवर्द्धन राठौड़ ई भेळा व्ह्या।