मुख्यमंत्री भजनलाल शर्मा बुधवार ने जालौर ज़िला रा आहौर मांय विकास रा 338 करोड़ रुप्या ऊँ बत्ता खर्चा वाळा पूरा व्ह्या काम जनता ने सूंप्या अर नुवा कामां री सरूआत कीनी। ईं मौके राख्यी ज्यी जनसभा मांय श्री शर्मा कह्यो के वां रा राज मांय वायदा रे मुताबिक पांच साल मांय चार लाख नौजवानां ने सरकारी नौकरी दी जावेला। वे कह्यो के सरकारी नौकरी हासिल करण री कोशिश सागे नौजवानां ने खुद रा काम धंधा सरू करण बाबत् ई कोशिश करणी चाहिजे। मुख्यमंत्री कह्यो के वां रा राज रा दो साल मांय 22 ज़िलां रा किसानां ने दिन मांय ई बिजली मिलण लागी है। वे साल 2027 तांई प्रदेश रा सगळा ज़िलां मांय किसानां अर कारखानां सारू दिन मांय ई बिजली मुहैया करावण रो भरोसो दिरायो। श्री शर्मा कह्यो के लारला दो साल मांय कांग्रेस राज रा पांच साल रे मुकाबले बत्तो काम व्ह्यो। मुख्यमंत्री ग्रामीण अर शहरी समस्या समाधान शिविर रो दौरो ई कीनो। ईं दौरान वे लोगां ने पट्टा, गोपाल क्रेडिट योजना समेत न्यारी-न्यारी योजनावां रे रा तैत मदद री रकम रा चैक अर सर्टिफिकेट दीना। वे दिव्यांगजन ने स्कूटी ई बांटी।