मुख्यमंत्री भजनलाल शर्मा मंगलवार ने बीकानेर ज़िला रा लूणकरणसर मांय 107 करोड़ रुप्या रा खर्च ऊं पूरी व्ही 21 परियोजनावां जनता ने सूंपी। ईं सागे ई वे करीब छह सौ करोड़ रुप्या रा खर्च वाळी परियोजनावां रा काम री सरूआत ई कीनी। ईं मौके जनता ने संबोधित करता थकां मुख्यमंत्री कह्यो के लारला दो साल मांय वां रो खास ध्यान जनता री जिन्दगी आसान अर खुशहाल बणावण माथे रह्यो। श्री शर्मा कह्यो के लारला दो साल मांय सुशासन अर गरीबां रा कल्याण सारु ऐतिहासिक काम करी ज्या। मुख्यमंत्री कह्यो के सुशासन अर जन कल्याण सागे विकसित अर समृद्ध राजस्थान बणावण माथे वां री सरकार खास ध्यान दे रही है। वे चुणाव रे दौरान भारतीय जनता पार्टी री ओर ऊं जारी करी ज्या घोषणा पत्र रो जिकर करता थकां कह्यो के जनता ने कामकाज री सालाना रपट पेश करण रो वायदो करी ज्यो हो, वां ने पूरी ईमानदारी ऊं निभायो जा रह्यो है।