मुख्यमंत्री भजनलाल शर्मा आज एक खास समाचार पत्र माथे विधायक निधि मांय भ्रष्टाचार री छप्योडी खबर माथे संज्ञान लेवता थकां मामले री उच्च स्तरीय जांच रा हुकम दिया है। मुख्यमंत्री इण मामला मांय मुख्य सचिव अर पुलिस महानिदेशक अर राज्य रा मुख्य सतर्कता आयुक्त री अध्यक्षता मांय गठित समिति ने इण री विगतवार जांच करण रा हुकम दिया ज्या है। इण रे साथे ही आं विधानसभा खेतरां मांय विधायक निधि रे खाता फ्रीज करणे रो कह्यो है। इण बीचे विधानसभा अध्यक्ष वासुदेव देवनानी कयो है कि जनप्रतिनिधियां खातिर निजी जीवन मांय शुचिता अर ईमानदारी सब सूं ऊंची है। राज्य रा तीन विधायकां माथे विधायक निधि जारी करणे रे बदले कथित तौर माथे कमिशन लेणे रा स्टिंग सामने आणे पर प्रतिक्रिया देवता थकां श्री देवनानी कयो कि ओ प्रकरण घणो गंभीर अर चिंताजनक है इण री जांच करवार दोषियां रे खिलाफ करड़ी कार्रवाई करी जावेली। ध्यानजोग है कि इण समाचार मांय राज्य रा तीन विधायकां माथे एम.एल.ए. फंड री रकम जारी करणे रे बदले कथित तौर माथे कमीशन मांगणे री बात सामे आई ही।