पैलो प्रवासी राजस्थानी दिवस 10 दिसम्बर ने मनायो जावेला। जयपुर मांय इण दिन होवण वाळा जळसा खातिर करी जा रही व्यापक तैयारियां ने अंतिम रूप दियो जा रियो है। प्रदेश मांय निवेश ने बधावो देणे अर प्रवासी राजस्थानियां ने एक मंच माथे लाणे रे लगस सूं ओ आयोजन करयो जा रियो है। मुख्यमंत्री भजनलाल शर्मा रविवार ने एक वीडियो साझा करता व्हीया कयो के राजस्थान मांय निवेश री अपार संभावनावां है। ओ भव्य आयोजन प्रवासी राजस्थानियां री उपलब्धियां अर योगदान रो सम्मान करेला। इण रे साथे ही विकसित राजस्थान रे निर्माण मांय वांणी सक्रिय भागीदारी ने एक मौको भी देवेला।