मुख्यमंत्री भजनलाल शर्मा भरतपुर दौरा रे दूजे दिन थावर ने सर्किट हाउस मांय जणसुणवाई करी। ईं दौरान जिलाभर उं आया लोगां वां ने आपरी समस्यावां बतायी। लोगां री समस्यावां जाणने मुख्यमंत्री अहलकारां ने वां रा समाधान रा निर्देश दिया। इण रे साथे ई वणां जिला कलेक्ट्रेट सभागार मांय संभाग रा भरतपुर, धौलपुर, करौली, डीग, सवाई माधोपुर जिला रा अहलकारां री बैठक ले र बजट ऐलाणा ने लागू करण रा निर्देश दिया। साथे ही वणा विकास कामा री समीक्षा करी। वणां कह्यो के आमजन री समस्यावां निपटावणो अहलकारां री जिम्मेदारी है। इण उं पैला श्री शर्मा संवारा कैवलादेव राष्ट्रीय उद्यान देखने सुविधावां रो जायजो लियो। मुख्यमंत्री उद्यान मांय पांचना बंधा अर चंबल नदी ऊं आया पाणी रा बारा मांय चर्चा करी। ईं दौरान श्री शर्मा कैवलादेव राष्ट्रीय उद्यान रा विकास न लेर अहलकारां ने जरूरी निर्देश दिया।