मुख्यमंत्री भजनलाल शर्मा रो शुक्रवार ने फिरोजपुर फीडर ने और बेहतर बणावण रा काम री सरूआत करण रो कार्यक्रम है। राज्य रा पैली वाळा मंत्री राजेंद्र सिंह राठौड़ आ जाणकारी दीनी। वे गुरूवार ने इण री तैयारियां रो जायजो लीनो। राठौड़ बतायो के लारला दो साल मांय केन्द्र अर राज्य सरकार मिल र श्रीगंगानगर अर हनुमानगढ़ ज़िलां मांय नहरी तंत्र ने मज़बूत बणावण सारू 4 हजार 958 करोड़ रूप्या रो प्रावधान कीनो है। वे कह्यो के 1 लाख 11 हजार हेक्टेयर ऊं बत्ता रकबा मांय खालां री मरम्मत माथे ई 4 सौ 44 करोड़ रूप्या खर्च कर्या जा रह्या है। राठौड़ कह्यो के सरकार कानी ऊं पाणत सारू बत्तो पाणी मुहैया करावण रे कारण ईं दफ़ा बुआई रो काम टेमसर पूरो व्ह्यो अर बीजाई रो रकबो बध्यो है।