मुख्यमंत्री भजनलाल शर्मा मंगलवार ने पाली ज़िला रा चामुंडेरी मांय राजकीय बालिका उच्च माध्यमिक विद्यालय जनता ने सूंप्यो। ईं मौके वे कह्यो के वां रा राज मांय समान भाव ऊं प्रदेश री 8 करोड़ जनता सारू काम कर्यो जा रह्यो है। श्री शर्मा पेपर लीक माथे आंकस लगावण अर मोट्यारां ने नौकरियां देवण री बात ओजू कही। मुख्यमंत्री राजस्थान रे सूरज री रोशनी ऊं बिजली बणावण रा हलका मांय देश मांय अव्वल रेहवण ने माथो ऊंचो करण वाळी बात बतायी। श्री शर्मा सुमेरपुर रा नेतारा गांव मांय मीरा माधव सरकार प्राण प्रतिष्ठा समारोह अर आशापुरा गौशाला रा कार्यक्रम मांय ई शामिल व्ह्या। ईं मौके वे कह्यो के गायां री सेवा सारू वां री सरकार सगळा जरूरी जतन कर रही है अर जवाई बांध ऊं पाली, जालौर अर सिरोही ने पाणी मिल रह्यो है।