मुख्यमंत्री भजनलाल शर्मा सगळा ऊँ गौ-सेवा सारू समर्पित भाव ऊँ काम करण बाबत् कह्यो है। वे गुरूवार ने गोपाष्टमी रे मौके जयपुर री मांग्यावास अर रेनवाल री गौशालावां मांय जोड़ायत सागे गौ पूजन रे मौके बोल रह्या हा। मुख्यमंत्री कह्यो के गौ माता म्हाणो गौरव अर जिन्दगी री बुनियाद है। श्री शर्मा कह्यो के सरकार गायां ने बचावण सारू सगळा जतन कर रही है अर पंजीकृत गोशालावां ने हर गाय सारू 50 रूप्या रोजीना अर किसानां ने सालाना 30 हजार रूप्या री सब्सिडी दी जा रही है। चूरू मांय गोपाष्टमी रे मौके शोभायात्रा निकाळी ज्यी। पाली री रोहट गौशाला मांय 501 किलोग्राम लापसी बणा र गोवंश ने खिलाई ज्यी अर गिरदाड़ा गौशाला मांय भागवत कथा सरू व्ही।