मुख्यमंत्री भजनलाल शर्मा प्रवासी राजस्थानियां ऊं ’विकसित राजस्थान 2047’ बणावण मांय सक्रिय भागीदारी निभावण बाबत् कह्यो है। वे बुधवार ने गुजरात रा सूरत मांय ’प्रवासी राजस्थानी सम्मेलन’ मांय बोल रह्या हा। मुख्यमंत्री कह्यो के गुजरात अर राजस्थान मिल र मज़बूत औद्योगिक कॉरिडोर बणा रह्या है अर दोन्यू राज्यां ने मिल र राजस्थान ने दुनिया री हीरा-पन्ना अर गहणा री खास ठोड़ बणावणो चाहिजे। श्री शर्मा कह्यो के राजस्थान सरकार हर साल ‘प्रवासी राजस्थानी सम्मान पुरस्कार’ देवेला। वे प्रवासियां ने 10 दिसंबर ने जयपुर मांय व्हेवण वाळा प्रवासी राजस्थानी दिवस समारोह मांय शामिल व्हेवण रो न्यौतो दीनो। श्री शर्मा बतायो के 35 लाख करोड़ रुप्या रा करार मांय ऊं 7 लाख करोड़ रुप्या रा काम सरू व्हे ग्या है। वे कह्यो के रिप्स-2024 रा तैत निवेशकां ने 1 हजार 400 करोड़ रुप्या ऊं बत्ती रकम री छूट दीरीजी। श्री शर्मा आईटी, दवाइयां अर कपड़ा सरीखा हलकां मांय निवेश सारू कारोबारियां ने न्यौतो दीनो।