मुख्यमंत्री भजनलाल शर्मा मंगलवार ने ब्यावर ज़िला रा जैतारण मांय राख्यी ज्या सेवा पखवाड़ा कार्यक्रम मांय शामिल व्ह्या। ईं मौके वे कह्यो के देश तेज़ी ऊँ खुद रे पाण ऊबो व्हेवण री दिशा मांय बढ़ रह्यो है। वे कह्यो के सरकार ने नौजवानां रा भविष्य री चिन्ता है अर हाल तांई 91 हजार ऊँ बत्ता नियुक्ति पत्र जारी कर्या जा चुक्या है। श्री शर्मा कह्यो के सेवा पखवाड़ा रा तैत हाल तांई लगायी ज्या चार हजार एक सौ इक्कीस ग्रामीण सेवा शिविर रे मार्फत जनता ने साता मिली है। वे जैतारण ऊँ विकास रा 300 करोड़ रुप्या रा खर्च वाळा कामां री नीव रखी अरे पूरा व्ह्या काम जनता ने सूप्या। मुख्यमंत्री बांसवाड़ा मांय न्यूक्लियर पावर प्लांट री नीव रखण ने बिजली संकट खत्म करण री दिशा मांय मोटो जतन बतायो। वे कह्यो के सरकार जनता ऊँ करी ज्या सगळा वायदा मन ऊँ पूरा करणो तैय कीनो है। सेवा पखवाड़ा रा तैत मंगलवार ने हनुमानगढ़ मांय राख्यी ज्या जिला स्तर रा कार्यक्रम मांय पैली वाळा कैबिनेट मंत्री डॉ. रामप्रताप चौधरी ई शामिल व्ह्या।