मुख्यमंत्री भजनलाल शर्मा मंगलवार ने भीलवाड़ा री हमीरगढ़ हवाई पट्टी माथे प्रदेश री पहली फ्लाइंग स्कूल रो उदघाटन कीनो। ईं मौके वे कह्यो आ फ्लाइंग स्कूल सरू व्हे जावण ऊँ राजस्थान देश रा खुद रे पाण ऊबा व्हेवण रा संकल्प ने पूरो करण मांय योगदान देवेला। श्री शर्मा कह्यो के राइजिंग राजस्थान समिट रे दौरान आ फ्लाइंग स्कूल खोलण रो ऐलाण करी ज्यो हो, जठे पायलट सिखावण ले र देश ने सेवा देवेला। मुख्यमंत्री आज भीलवाड़ा मांय न्यारी-न्यारी ठौड़ां लगायी ज्या सेवा शिविरां रो ई दौरो कीनो अर सरकार री न्यारी-न्यारी योजनावां रो फायदो लेवण वाळां सागे बातचीत कीनी। वे पात्र लोगां ने चैक अर मकान रा पट्टा ई दीना। ईं मौके श्री शर्मा कह्यो के आं शिविरां मांय जनता ने सगळा ज़रूरी सुबीता एक ही ठौड़ मुहैया कराया जा रह्या है।