मुख्यमंत्री भजनलाल शर्मा मंगलवार ने राजस्व अर उपनिवेशन विभाग री समीक्षा बैठक लीनी। वे कह्यो के राजस्व विभाग काश्तकारां ने तकनीक रे जरिये सुबीता मुहैया करावण सारू नुवा-नुवा काम कर रह्यो है। मुख्यमंत्री कह्यो के ईं सारू एग्री स्टैक मोबाइल एप बणायी ज्यो है, जिण ऊं किसान खुद साखां री गिरदावरी कर रह्या है। मीटिंग मांय अहलकार बतायो के फार्मर रजिस्ट्री योजना रे मार्फत सगळा ज़िलां मांय किसानां रा आधार नम्बर राजस्व रिकॉर्ड सागे जोड़बा रो काम सरू कर दियो ज्यो है अर हाल तांई 87 फीसदी किसानां रा किसान पहचान पत्र बण दिया ज्या है। राज्य रा 48 हजार 463 गांवां रा जमीं रा नक्शा पोर्टल माथे अपलोड कर र करीब साढे चार करोड़ यूनिक लैंड पार्सल आइडेंटिफिकेशन नम्बर जारी कर दिया ज्या है। ईं बीचे प्रदेश मांय 18 सितम्बर ऊं गांव चलो अभियान चलायो जावेला। सप्ताह मांय तीन दिन चालण वाळा ईं अभियान रे जरिये गांव वाळां तांई सरकारी सेवावां री पहुंच आसान बणायी जावेला।