मुख्यमंत्री भजनलाल शर्मा दिल्ली दौरा रा दूजा दिन बुधवार ने केंद्रीय बिजली, आवासन अर शहरी कार्य मंत्री मनोहर लाल सागे मुलाकात कीनी। ईं दौरान वे राज्य मांय बिजली अर रेहवास ऊं जुड्या केई मुद्दां माथे चर्चा कीनी। मुख्यमंत्री केन्द्रीय मंत्री ऊं ग्रीन एनर्जी कॉरिडोर सारू बत्ती ऊं बत्ती मदद री अरज कीनी। वे जयपुर मैट्रो रेल रा दूजा दौर रा काम ने बेगी मंजूरी देवण री अरज ई कीनी। केन्द्रीय मंत्री राजस्थान ने हर संभव मदद देवण रो भरोसो दिरायो।