मुख्यमंत्री भजनलाल शर्मा कह्या के मानव जीवन रो लक्ष्य सेवा व्हेणो चाहिजे। सगळा लोगां ने संवेदनशीलता रे सागे दिव्यांगां ने मजबूत बणावा री कोशिश करणी चाहिजे। श्री शर्मा शुक्रवार ने जामडोली मांय विशेष योग्यजन सम्मान समारोह मांय बोल रह्या हा। सामाजिक न्याय संकुल परिसर मांय राख्या इण जळसा मांय विशेष योग्यजन बहनां मुख्यमंत्री रे राखी बाधी। इण दौरान मुख्यमंत्री वां सूं बातचीत भी करी। वणा दिव्यांगां ने डिजिटल हियरिंग, ऐड, लर्निंग किट अर ट्राइसाइकिल भेंट करी। इण सूं पैली मुख्यमंत्री संकुल परिसर मांय सिंदुर रो पौधो भी लगायो। मुख्यमंत्री कह्या के सरकार री योजनावां रो फायदो हर व्यक्ति तांई पूगणो चाहिजे।