मुख्यमंत्री भजनलाल शर्मा मंगलवार ने जयपुर मांय राख्यी ज्या मुख्यमंत्री संग रक्षाबंधन कार्यक्रम मांय प्रदेश री 1 लाख 21 हजार आंगनबाड़ी बहनां रा बैंक खाता मांय राखी रा उपहार रा तौर ऊं 501-501 रुप्या भेज्या। कार्यक्रम मांय आंगनबाड़ी बहनां ने छतरियां अर मिठाई ई दीरीजी। ईं मौके मुख्यमंत्री आंगनबाड़ी कार्यकर्तावां री सराहवणा करता थकां कह्यो के बच्चां, आस वाळी लुगाइयां अर किशोरियां रा पोषण अर भणाई-लिखाई सारू लगातार कोशिश करे है। वे कह्यो के आंगनबाड़ी केन्द्र संस्कार रा केन्द्र व्हे है। जळसा मांय मुख्यमंत्री आंगनबाड़ी बहनां ने पोषण शपथ ई दिराई। वे राखी रे मौके महिलावां सारू रोड़वेज़ री बसां मांय दो दिन मुफ्त सफर रा सुबीता रो ऐलाण ई कीनो। ईं मौके उपमुख्यमंत्री दिया कुमारी कह्यो के आंगनबाड़ी कार्यकर्तावां री मेहनत ऊं समाज रा हर तबका ने फायदो मिले है। वे कह्यो के सरकार महिलावां ने मज़बूत बणावण सारू लगातार काम कर रही है अर आंगनबाड़ी कार्यकर्तावां रा मानदेय मांय दो साल ऊं दस-दस फीसदी री बधोतरी करी ज्यी है। उपहार री ईं पहल रो आंगनबाड़ी बहनां स्वागत करता थकां मुख्यमंत्री ने धन्यवाद दीनो अर कह्यो के इण ऊं वां रो मनोबल बध्यो है अर बेहतर काम करण री सीख मिली है।