मुख्यमंत्री भजनलाल शर्मा गुरूवार ने जैसलमेर ज़िला रा रामदेवरा मांय नैत्र कुंभ समारोह रो उद्घाटन कीनो। 33 दिन तांई चालण वाळा नैत्र कुंभ मांय शिविर लगा र लोगां री आंख्यां री मुफ़्त जांच करी जावेला। ईं मौके मुख्यमंत्री कह्यो के राज्य सरकार आंख्यां रा बेहतर स्वास्थ्य सारू लगातार कोशिशां कर रही है। वे कह्यो के सरकार री ओर ऊं हर साल लाखां लोगां रा मोतियाबिंद रा ऑपरेशन मुफ़्त कराया जा रह्या है। मुख्यमंत्री इण ऊं पैली बाबा रामदेव पैनोरमा ने निरख्यो। वे वठे पौधो ई रोप्यो। श्री शर्मा बाबा रामदेव मिंदर मांय पूजा-अर्चना कर र प्रदेश मांय सुख-साता री कामना कीनी।