मुख्यमंत्री भजनलाल शर्मा जनता ऊं एक पेड़ माँ के नाम अभियान रा तैत बत्ता ऊं बत्ता पौधा रोपण री अरज कीनी है। श्री शर्मा मंगलवार ने केकड़ी री कृषि उपज मण्डी मांय राख्यी ज्यी जनसभा मांय बोल रह्या हा। मुख्यमंत्री कह्यो के आब-ओ-हवा मांय बदलाव रो सामो करण सारु पौधा रोपणो ज़रूरी है। वे कह्यो के चौमासा मांय पौधा रोपण ऊं वां रे जीवता रेवहण री संभावना बध जावे है। मुख्यमंत्री केकड़ी मांय विकास रा 1 हज़ार 250 करोड़ रुप्या रा खर्च वाळा न्यारा-न्यारा कामां री नींव रखी अर पूरा व्ह्या काम जनता ने सूंप्या। श्री शर्मा वठे राख्यी ज्या खून दान शिविर रो दौरो कर र खून देवण वाळां सागे बातचीत कीनी। कार्यक्रम मांय विधानसभा अध्यक्ष वासुदेव देवनानी, उपमुख्यमंत्री डॉ. प्रेमचन्द बैरवा, मंत्री कन्हैया लाल चौधरी अर सुरेश सिंह रावत ई मौजूद रह्या।