मुख्यमंत्री भजनलाल शर्मा लगातार बध रह्या भ्रष्टाचार रा दायरा माथे चिंता जताई है। वे मंगलवार ने जयपुर मांय राख्यी ज्या ए.सी.बी. रा स्थापना दिवस जळसा मांय बोल रह्या हा। श्री शर्मा कह्यो के भ्रष्टाचार तरक्की रा गेला मांय अड़चन है अर इण ऊं सरकारी योजनावां फाइलां मांय दब र रह जावे है। वे कह्यो के प्रदेश मांय भ्रष्टाचार ने बिल्कुल बर्दाश्त नी करण री नीति माथे काम कर्यो जा रह्यो है। मुख्यमंत्री अहलकारां ऊं दबाव मांय आया बगैर काम करण री अपील करता थकां कह्यो के कोई ई कानून ऊं ऊंचो नी व्हे है।
मुख्यमंत्री ए.सी.बी. रा हेल्पलाइन नम्बर 1 0 6 4 रो बत्तो ऊं बत्तो प्रचार करण बाबत ई कह्यो। कार्यक्रम मांय ए.सी.बी. री कार्यवाहक महानिदेशक स्मिता श्रीवास्तव बतायो के एसीबी कानी ऊं करीजी कार्यवाहियां रा मामला मांय राजस्थान महाराष्ट्र पाछे दूजा पायदान माथे है।