मुख्यमंत्री भजनलाल शर्मा कह्यो है के पंडित दीनदयाल उपाध्याय अंत्योदय संबल पखवाड़ा रो मकसद समाज रा आखिरी छोर रा लोगां तांई संबल पूगावणो है। श्री शर्मा गुरूवार ने सवाईमाधोपुर ज़िला रा बालेर मांय राख्यी ज्या शिविर मांय बोल रह्या हा। वे कह्यो के राज्य सरकार रो मकसद हर एक पात्र जणा तांई सरकार री योजनावां रो फायदो पूगावणो है। मुख्यमंत्री कह्यो के गरीब, मजूर, किसान अर महिलावां रो विकास ई प्रदेश रो विकास है। पंडित दीनदयाल उपाध्याय अंत्योदय संबल पखवाड़ा रा तैत लगाया जा रह्या शिविर जनता सारू मददगार साबित व्हे रह्या है। आं रे मार्फत पीवण रा पाणी, स्वास्थ्य अर राजस्व ऊं जुड़्या बरसां ऊं चाल रह्या मामला मौके ई निपटाया जा रह्या है।